Qoǵamdyq qaýipsizdikti qamtamasyz etý jáne quqyq buzýshylyqtyń aldyn alýda jergilikti bıýdjet esebinen birqatar jobalardy júzege asyrý josparlanyp otyr. Bastama aıasynda 1400 beınebaqylaý kamerasy, 20 «Zııatkerlik qıylys» jáne 58 stasıonarlyq jyldamdyq ólshegish, jasandy ıntellektke negizdelgen beıneanalıtıkalyq júıe ornatylady.
Qazirgi ýaqytta jedel basqarý ortalyǵynyń ǵımaratyna kúrdeli jóndeý júrgizilip, tolyq jańartylǵan. Ortalyqtyń basqarý zalyna beıneqabyrǵa, operatorlarǵa arnalǵan 15 avtomattandyrylǵan jumys orny men jańa jıhazdar qoıylǵan. Munan bólek, zamanaýı qural-jabdyqtarmen tolyqtyrylyp, beınekonferens baılanys júıesi iske qosyldy.
Qyzylorda oblysynda respýblıkada alǵashqy bolyp barlyq aýdandyq polısııa bólimderinde jedel basqarý ortalyqtary ashyldy. Bul júzege asyrý úshin 4 mlrd 550 mln teńgege bıýdjettik ótinim joldanyp, onyń 1 mlrd 382 mln teńgesi jergilikti bıýdjetten bólindi.
